कृषि मंत्री श्री ताम्रध्वज साहू ह फसल बीमा जागरूकता रथ ल करिस रवाना

सब्बो किसान मन ल 16 अगस्त तक फसल बीमा कराए के अपील
 रायपुर, 04 अगस्त 2023
कृषि मंत्री श्री ताम्रध्वज साहू ह आज दुर्ग स्थित अपन निवास कार्यालय ले राज्य में प्रधानमंत्री फसल बीमा के प्रचार-प्रसार ब 8 ठ जागरूकता रथ ल रवाना करिस। किसान राज्य में खरीफ फसल के जादा ले जादा बीमा करावव, एकर ब ये जागरूकता रथ गांव-गांव घूम के किसान मन ल बीमा संबंधी जानकारी देही।
उल्लेखनीय हे कि राज्य में प्रधानमंत्री फसल बीमा योजना के तहत प्राकृतिक आपदा, कीट अउ रोग के कारण फसल नष्ट होए के स्थिति में किसान मन ल बीमा कव्हरेज अउ एकर सहायता प्रदान करे जाथे, ताकि खेती में होए वाले नुकसान के भरपाई हो सकय। राज्य में खरीफ फसल के अंतर्गत धान सिंचित अउ असिंचित, मक्का, सोयाबीन, अरहर, मूंग अउ उरीद अधिसूचित फसल हे, जेकर बीमा किसान करा सकत हे।  उक्त फसल के बीमा कराए ब किसान मन ल प्रीमियम राशि ले मात्र 2 प्रतिशत राशि देना होही, शेष राशि के वहन शासन कती ले करे जाथे।
प्रधानमंत्री फसल बीमा योजना के राज्य प्रभारी ह बताइस कि अभी तक राज्य के 10 लाख 52 हजार 308 किसान अपन फसल के बीमा करा डारे हे। कृषि विभाग ह शत्-प्रतिशत किसान मन ले अपन फसल के बीमा 16 अगस्त तक कराए जाए के अपील करे हे, ताकि जोखिम ले बचे जा सकय।