माओवादी आतंक के बहादुरी ले मुकाबला करे बर जवान मन के सराहना
रायपुर 03 फरवरी 2024। राजस्व मंत्री श्री टंकराम वर्मा काली सुकमा जिला के टेकलगुड़े म म बीते 30 जनवरी के नक्सल मुठभेड़ म घायल जवान मन के स्वास्थ्य के जानकारी लेहे राजधानी रायपुर के मोवा स्थित एक निजी अस्पताल पहुँचिन। ए बेरा म मंत्री श्री वर्मा ह घायल जवान मन के हाल चाल जानिन अऊ चिकित्सक मन ले उपचार के संबंध म जरूरी जानकारी लीन। उमन जवान मन के संग अपन जान के परवाह नइ करत माओवादी आतंक के मुकाबला करे बर उंखर सराहना करिन।
जानबा हे कि 30 जनवरी के प्रदेश के सुकमा जिला के जगरगुण्डा थाना क्षेत्र के ग्राम टेकलगुड़ेम म नक्सली मन घात लगाके करे गए हमला के मुंहतोड़ जवाब देवत तीन जवान शहीद हो गे रहिन। जेमां 201 कोबरा सीआरपीएफ बटालियन के आरक्षक श्री देवेन सी. अऊ आरक्षक श्री पवन कुमार अउ 150 वीं बटालियन के आरक्षक श्री लम्बाधर सिंघा शहीद हो गे रहिन। ए घटना म 16 जवान घायल हो गे रहिन जेमां ले 8 जवान मन ल बेहतर उपचार बर राजधानी रायपुर के निजी चिकित्सालय म बेहतर उपचार बर लाए गए हे।
