राष्ट्रीय राजमार्ग म टैंकर पलटीस, आसपास के इलाका म दहशत के माहौल

राजनांदगांव, 1 फरवरी 2021। राजनांदगांव के जीई रोड म इंदामारा के तीर एक गैस टैंकर पलटगे। ये घटना के बाद आसपास के इलाका म दहशत के माहौल हे। घटनास्थल म पुलिस बल के तैनाती करे गए हे। जानकारी के अनुसार 1 किलोमीटर के इलाका ल सील कर देहे गए हे। आवाजाही ल बाधित करके सुरक्षा के तगड़ा इंतजाम करे गए हे। घटना आज बिहनियां 7 बजे के आसपास के हे। राजनांदगांव के जीई रोड म इंदामारा के तीर एक गैस टैंकर पलटगे। टैंकर रायपुर के एक फैक्ट्री जावत रहिस। घटना के बाद कोई अप्रिय स्थिति निर्मित झन होय एखर बर प्रशासन ह 1 किलोमीटर के इलाका ल सील कर देहे हे। भारी संख्या म पुलिस बल के तैनाती करे गए हे। आवाजाही बाधित हे, लेकिन पुलिस ह सुरक्षा के तगड़ा इंतजाम कर देहे हे। घटना के सूचना वरिष्ठ अधिकारी मन ल घलो दे देहे गए हे।