कलेक्टर ह राष्ट्रपिता के प्रतिमा अऊ पूर्व प्रधानमंत्री शास्त्री के फोटू म माल्यार्पण करके करिन नमन

राजनांदगांव, कलेक्टर श्री तारन प्रकाश सिन्हा ह राष्ट्रपिता महात्मा गांधी अऊ पूर्व प्रधानमंत्री स्वर्गीय श्री लाल बहादुर शास्त्री के जयंती आज 2 अकटूबर के दिन कलेक्टोरेट परिसर स्थित गांधी प्रतिमा अऊ स्वर्गीय श्री शास्त्री के फोटू म माल्यार्पण करके ओ मन ल नमन करिन। कलेक्टर श्री सिन्हा ह कहिन कि राष्ट्रपिता महात्मा गांधी के जीवन अऊ संदेश आज तको प्रासंगिक अऊ अनुकरणीय हे। ऊंखर आदर्श ल हमला अपन जीवन म आत्मसात करना चाही। ये बेरा म गांधी जी के प्रिय भजन वैष्णव जनतो … के गायन करे गीस। ये बेरा म सबो ह नशा मुक्ति बर संकल्प लीन। सबो ह राष्ट्र, राज्य, समाज, परिवार अऊ अपन हित म मादक द्रव्य अऊ पदार्थ के सेवन नइ करे के शपथ लीन। ये मौका म जिला पंचायत सीईओ श्री लोकेश चंद्राकर, अपर कलेक्टर श्री सीएल मारकण्डेय, संयुक्त कलेक्टर श्रीमती इंदिरा देवहारी, संयुक्त कलेक्टर श्रीमती निष्ठा पाण्डेय, संयुक्त कलेक्टर श्री वीरेन्द्र सिंह, डिप्टी कलेक्टर श्री गिरीश रामटेके, उप संचालक समाज कल्याण श्री बीएल ठाकुर, जिला ई-प्रबंधक श्री सौरभ मिश्रा संग कई ठन विभाग मन के अधिकारी-कर्मचारी उपस्थित रहिन।