निस्तार सुविधा बर भरे जात हे गांव के तालाब: पांच हजार तालाब मन ल भरे के लक्ष्य

रायपुर, 26 अप्रैल 2020। मुख्यमंत्री श्री भूपेश बघेल के हुकुम म गांव के तालाब मन ल गांव वाले मन के निस्तारी सुविधा बर जल भराव करे जात हे। जल संसाधन विभाग ह सिंचाई जलाशय मन ले जलापूर्ति करके ग्रामीण तालाब मन ल बीते 15 अप्रैल ले भरे के कार्रवाई चालू कर देहे गए हे। अब तक राज्य के 14 जिला के 1389 गांव के तालाब मन ल भर देहे गए हे। राज्य म 4 हजार 978 तालाब मन ल गर्मी के दिन म गांव वाले मन ल निस्तार के सुविधा मुहैय्या कराए बर भरे के लक्ष्य हे, जऊन अवइया एक हफ्ता म पूरा हो जाही।

मुख्यमंत्री श्री भूपेश बघेल के अध्यक्षता म आज इहां ऊंखर निवास कार्यालय म आयोजित जल संसाधन विभाग के समीक्षा बैठक म ये जानकारी सचिव श्री अविनाश चम्पावत ह दीन। उमन बताइन के राज्य के 14 जिला के 2355 गांव के कुल 4 हजार 978 तालाब मन ल भरे के कार्रवाई विभाग ह युद्ध स्तर म करत हे। उमन बताइन के बालोद जिला के 470 तालाब म ले अब तक 93 तालाब, दुर्ग जिला के 628 तालाब म ले 85, राजनांदगांव जिला के 171 तालाब म ले 51, रायपुर जिला के 585 म ले 120 तालाब, धमतरी जिला के 404 म ले 115 तालाब, बिलासपुर जिला के 268 म ले 30 तालाब, कोरबा जिला के 49 तालाबों म ले 16, रायगढ़ जिला के 172 म ले 13 तालाब, जांजगीर-चांपा के 1559 तालाब म ले 755 तालाब, बलौदाबाजार भाटापारा जिला के 286 म ले 58 तालाब, बस्तर जिला के 8 तालाबों म ले सबो 8 तालाब अऊ कांकेर जिला के 145 तालाब म ले 45 तालाब ल भरे जा चुके हे। उमन बताइन के 4978 तालाब के भरे ले 2355 गांव मन के गांव वाले मन अउ पशु मन ल निस्तार के सुविधा उपलब्‍ध होही।