रइपुर, 01 जून 2021 मंगल । राज्य के समग्र विकास बर उपाय सुझाए बर छत्तीसगढ़ राज्य योजना आयोग कोति ले आज 9 टॉस्क फोर्स गठित करे गईस। पूर्व म गठित टॉस्क फोर्स के कड़ी म राज्य योजना आयोग कोति ले आज जउन टॉस्क फोर्स के गठन करे गइस,ओमा मुख्यमंत्री के सलाहकार श्री राजेश तिवारी के अध्यक्षता म स्वास्थ्य, पोषण, खाद्य सुरक्षा बर टास्क फोर्स के गठन करे गे हवय। एकर छोड़ मुख्यमंत्री के सलाहकार श्री विनोद वर्मा के अध्यक्षता म कला, पर्यटन, पुरातत्व अउ संस्कृति संवर्धन बर टास्क फोर्स के, मुख्यमंत्री के सलाहकार श्री रूचिर गर्ग के अध्यक्षता म खेल युवा कल्याण, सामाजिक सुरक्षा, महिला सशक्तिकरण, श्रमिक कल्याण बर टॉस्क फोर्स, मुख्यमंत्री के सलाहकार श्री प्रदीप शर्मा के अध्यक्षता म ग्रामीण विकास प्रबंधन, राज्य योजना आयोग के उपाध्यक्ष श्री अजय सिंह के अध्यक्षता म वित्तीय संसाधन मन के विस्तार अउ सदस्य राज्य योजना आयोग डॉ. के. सुब्रमणियम के अध्यक्षता म उद्योग कौशल विकास रोजगार के क्षेत्र म टॉस्क फोर्स के गठन करे गे हवय ।
गठित टॉस्क फोर्स मन कोति ले देश अउ स्थानीय लब्धप्रतिष्ठित विषय-विशेषज्ञ अउ जमीनी कार्यकर्ता मन ले विचार-विमर्श के पीछू उचित नीति सुझाए जाही। ये टॉस्क फोर्स मन विषय मन ले संबंधित प्रदेश म आवत समस्या अउ उन्कर समाधान के उपाय उपर अउ राष्ट्रीय अउ अंतर्राष्ट्रीय स्तर म सफल पाए गे नीति, कार्यक्रम, बने उदीम ल प्रदेश म लागू करे के व्यवहारिकता अउ विभाग मन कोति ले संचालित योजना, कार्यक्रम मन उपर विचार करही। टॉस्क फोर्स के अंतर्गत छोटे-छोटे थीम आधारित वर्किंग ग्रुप्स गठित करके विशेषज्ञ मन ले विचार-विमर्श करे जाही अउ प्राप्त अनुशंसा मन ले राज्य शासन ल अवगत कराए जाही।