रायपुर, धुरागांव के श्री मासो टाटा संयंत्र बर जमीन अधिग्रहण के बाद घलोक अपन जमीन म कई बछर ले खेती करत रहिस, फेर ओ ल हमेशा जमीन जाय के डर बने रहत रहिस। ए पइत मासो पूरा तन-मन ले खेती किसानी म जुट गे हे। वो ह बताइस के एसो वोला वोकर जमीन के कागज वापस मिल गे हे।
आप जानतेच होहू के टाटा स्टील प्लांट बर लोहण्डीगुडा तहसील के जऊन 1707 किसान मन के 1704 हेक्टेयर जमीन अधिग्रहित करे गए रहिस, ओमां धुरागांव के श्री मासो के 10 एकड़ जमीन घलोक सामिल रहिस। श्री मासो के बताती जमीन जाय के दुख हरेक किसान ल होथे। मोर बर तो मोर जमीन मां समान हे। मुख्यमंत्री भूपेश बघेल ह हमर जमीन वापस करवा दीन। अब अइसन लागत हे, जइसे मोला मोर मां मिल गए हे। अब मैं पूरा मन लगा के खेती करहूं।
