युवा मन ल अड़बड़ भावत हे गोदना, मॉर्डन टच के संग बैंड गोदना के बाढि़स क्रेज

रायपुर, राज्योत्सव के आखरी दिन आज भिनसरहा ले ही कई विभाग मन के प्रदर्शनी म अड़बड़ भीड़ उमड़े रहिस। मनखे मन ह अपन अपन अंदाज ले खूब मस्ती के संग राज्य सरकार के विकास योजना मन के अवलोकन करके सहराईन। प्रदेश के कोना कोना ले आए आम नागरिक सपरिवार छत्तीसगढ़ राज्योत्सव के आनंद लेवत हे।
ये मां सबले खास गोदना आर्ट के बदलत मॉर्डन स्वरूप युवा मन ल अड़बड़ भावत हे। युवक-युवती मन अपन अपन हाथ म बैंड गोदना बनावावत हें। मॉर्डन टच के संग बैंड गोदना के बढ़त क्रेज, बैगा जनजाति अऊ आन जनजाति मन के गोदना के प्रति प्रेम ल नवा स्थान मिलत हे। संगेच ये सांस्कृतिक धरोहर ल संजोए रखे म घलोक मदद मिलत हे। आदिम जाति अऊ अनुसूचित जाति विकास विभाग के स्टॉल म गोदना आर्ट के कलाकार हरिशंकर विश्वकर्मा ह बताइस कि मनखे बड़ संख्या म बैंड टच गोदना ल अड़बड़ पसंद करत हें। खासकर युवा एला अपन हाथ म बनवावत हें। अइसनहे अपन हाथ म बनावात जगदलपुर ले आए युवती निशा बोथरा कहिस कि गोदना मोला बिकट पसंद हे। मैं अभी जेन मॉर्डन बैंड टच के संग गोदना या टैटू चलत हे ये काफी लोकप्रिय हे। ये बिल्कुल सिंपल पुरातन अऊ मॉडर्न के एक मिश्रण स्वरूप हे। अइसन ही आर्ट लवर्स रायपुर के संचालिका अऊ एग्रीकल्चर यूनिवर्सिटी के पीएचडी छात्र सुरभि वर्मा कहिस कि रोजेच 150 ले 200 ले जादा मनखे मोर पास बैंड टच टैटू बनावावत हें।