रायपुर, 23 मार्च 2020। कोरोना वायरस ल फैले ले रोके बर राज्य सरकार सबो तरह के प्रयास करत हवय। इही बीच बड़े खबर आवत हे कि छत्तीसगढ़ के सबो जिला मन म आज ले टैक्सी, ऑटो रिक्शा, सार्वजनिक बस अउ सबो गाड़ी मन नई चलय। ये आदेश आगामी 31 मार्च तक लागू रही।
एखर बर राज्य परिवहन आयुक्त डॉ. कमलप्रीत ह सबो परिवहन आधिकारी मन ल निर्देश दे हवय। ओखर आदेश म कहे गये हे कि 31 मार्च तक सबो सार्वजनिक परिवहन यान ल तत्काल प्रभाव ले स्थगित करे जाए।