सांसद के घर घुसीस हाथी मन के दल, गाँव म करिन जम के तांडव

Dilip Kumar

रायगढ़, 19 जुलाई 2020। प्रदेश म रायगढ़ सांसद के घर कल देर रात हाथी मन के दल घुस गे। हाथी मन ह करीब डेढ़ घंटा तक गांव म जम के तांडव करिन। जशपुर के मुंडाडीह म रात करीब पौने 9 बजे के आसपास सांसद गोमती साय के घर हाथी मन के झुंड पहुंचिस। गांव के लोगन मन ह बहुत देर तक हाथी मन ल भगाये के कोशिश करिन। लेकिन सबो फार्मूला फेल होगे अउ हाथी मन ह गांव म ही डटे रहिन। सांसद गोमती साय ह वन विभाग ल सूचना दीन। जेखर बाद वन विभाग के टीम ह पहुंच के उहां ले हाथी मन ल भगाइस। हालांकि ये बेरा कोई जनहानि या फेर कोनो तरह के कोई नुकसान नइ होय हे। कुछ दिन पहली घलो सांसद के गांव म हाथी मन ह उत्पात मचाये रिहिस।

लउछरहा..