रायपुर,16 फरवरी 2020। मत्स्य पालन के तकनीकी अऊ मार्केटिंग के गुर सीखे बर जशपुर जिला के 19 मत्स्य कृषक मन के दल 15 फरवरी ले ओडिशा के पुरी अऊ आंध्रप्रदेश के एलेरू, विशाखपट्नम बर रवाना होइन। मत्स्य कृषक मन के ये दल पांच दिन के भ्रमण के समय पुरी म फिश मार्केट के अध्ययन अवलोकन करे के बाद उहां ले एलेरू जाहीं, जिहां मत्स्य कृषक मन ले ये दल उहां मत्स्य पालन केन्द्र मन म जाके मत्स्य पालन के आधुनिक तकनीक सीखे के संगेच पंगेसियस कल्चर के घलोक अध्ययन अउ अवलोकन करहीं। एखर बाद ये दल विशाखापट्नम म फिश हारवर, फिश मार्केट अउर एक्यूरियम देखही।
सहायक संचालक मत्स्य पालन श्री डी.के. इजारदार ह बताइस कि विभागीय येाजना के अंतर्गत जिला के मत्स्य कृषक मन ल अध्ययन भ्रमण बर राज्य के बाहिर ले जाए जात हे। सहायक मत्स्य अधिकारी श्री जे.के. पैंकरा के सियानी म प्रगतिशील मत्स्य कृषक श्री अनिल कुमार बेक, अरूण तिर्की, जुगेद्र राम, एनोस हेकान्त मिंज, सबिएल कुजूर, राजनाथ, बजरू राम, अबदोन एक्का, बलवीर पैंकरा, इग्नासियुस उरांव, नीलकमल, प्रभात पन्ना, राजेन्द्रसिदार, अजित तिग्गा, बेनेदिक तिर्की, करम साय, अकबरसाय, पूरन सिंह अउ विजयमान सिंह अध्ययन भ्रमण म गे हें।
