रायपुर, 9 अक्टूबर 2020। छत्तीसगढ़ म 12 अक्टूबर तक सघन सामुदायिक सर्वेक्षण म अब तक स्वास्थ्य विभाग के दल ह 27 लाख 82 हजार 403 घर मन म दस्तक दीन। दल ह घर-घर जाके उहा कोविड 19 के संभावित लक्षण वाले मनखे के कोरोना जांच करत हे। स्वास्थ्य विभाग ले प्राप्त जानकारी के अनुसार अब तक सर्वेक्षण के दैारान पूर राज्य म 28633 मनखे के एंटीजेन टेस्ट करवइस जेमा 2219 पाजिटिव पाय गेहे। 7017 मनखे जेन सिम्टोमेटिक रिहिस जेखर एंटीजेन निगेटिव आय रिहिस, उखर आर टी पी सी आर करवाय गे हे जेमा ले 80 पाजिटिव आए रिहिस। पूरा राज्य म सिम्टोमेटिक मरीज मन के पाजिटिव होय के प्रतिशत 7.7 रिहिस।
रायपुर जिला म 180265 घर म 1149 व्यक्ति सिम्टोमेटिक रिहिस जेमा 203 हाई रिस्क ग्रुप के रहिस। येमा ले 522 के एंटीजेन करे गे रहिस जेमा 33 पाजिटिव पाय रिहिस । 396 मनखे के आरटी पीसी आर बर सैपल ले गए रहिस । स्वास्थ्य विभाग ह लोगन ले अपील करे हे कि आप मन के घर पहुंचे दल ल सही सही जानकारी देव, कोनो भी लक्षण छुपाव मत, काबर की समय म जाचं कराय अउ उपचार मिले ले ही मरीज पूरा तरह ठीक हो जाथे।