रायपुर, छत्तीसगढ़ म तीज तिहार के एक समृद्ध परम्परा हे। राज्य सरकार ह छत्तीसगढ़ के संस्कृति के सरंक्षण अऊ संर्वधन बर प्रदेश म हरेली, तीजा, माता कर्मा जयंती, छठ पूजा अऊ विश्व आदिवासी दिवस के दिन न केवल सार्वजनिक अवकाश के शुरूआत करे हें, भलुक ए लोक परब मन के महत्व ले अवइया पीढ़ी ल जोड़े बर ए मन ल जन सहभागिता ले पूरा अछाह के संग मनाए जात हे। स्थानीय तिहार मन ल जन सहभागिता के जोड़के मुख्यमंत्री श्री भूपेश बघेल कोति ले छत्तीसगढ़ के संस्कृति के संवर्धन अऊ संरक्षण करे के प्रयास करे जात हे।
इही कड़ी म छत्तीसगढ़ के पारम्परिक तिहार पोरा अऊ तीजा ल व्यापक स्तर म मनाए बर मुख्यमंत्री निवास म तैयारी पूरा कर ले गए हे। हरेली परब के जइसे ही मुख्यमंत्री श्री भूपेश बघेल के रायपुर स्थित निवास म ए दुनों पारम्परिक तिहार मन ल व्यापक स्तर म मनाए जाही।
