छत्तीसगढ़ रजत महोत्सव: महिला सम्मेलन अऊ तीजा-पोरा महोत्सव के भव्य आयोजन

पंडित दीनदयाल उपाध्याय ऑडिटोरियम म रइही तीजा-पोरा के धूम
मुख्यमंत्री श्री विष्णु देव साय के नेवता म प्रदेशभर ले आए माता-बहिनी मन के करे गीस आत्मीय स्वागत
मुख्यमंत्री के अगुवई म नारी शक्ति के मान, सम्मान अऊ गौरव ल बढ़ावा मिलत हे: उपमुख्यमंत्री श्री अरुण साव
रायपुर, मुख्यमंत्री श्री विष्णु देव साय के नेवता म राजधानी रायपुर स्थित पंडित दीनदयाल उपाध्याय ऑडिटोरियम म आज छत्तीसगढ़ के पारंपरिक तिहार तीजा-पोरा धूमधाम ले मनाए गीस। ‘विष्णु भइया’ के नेवता म आयोजित ए भव्य आयोजन म सामिल होए बर प्रदेशभर ले बड़ संख्या म महिला मन पहुँचीन। प्रदेश सरकार के मंत्रि अऊ जनप्रतिनिधि मन ह माता-बहिनी मन के आत्मीय स्वागत करिन अऊ ओ मन ल उपहार स्वरूप साड़ी, श्रृंगार सामान अऊ छत्तीसगढ़ी कलेवा भेंट करिन।
मुख्य अतिथि उपमुख्यमंत्री श्री अरुण साव ह उपस्थित माता-बहिनी मन ल तीजा परब के शुभकामना दीन। महिला सम्मेलन ल संबोधित करत उमन कहिन के तीजा छत्तीसगढ़ म नारी शक्ति के मान, सम्मान अऊ दृढ़ निश्चय के महत्वपूर्ण परब हे। निर्जला व्रत रखके अपन पति-परिवार के सुरक्षा अऊ समृद्धि के कामना करइया सबो माता-बहिनी मन ल उमन सरकार कोति ले शुभकामना दीन। श्री साव ह कहिन के मुख्यमंत्री श्री साय के नेवता म माता-बहिनी मन के एतका बड़ संख्या म उपस्थिति खुद ए परब के महत्व ल सिद्ध करथे।