कटघोरा। कोरबा जिला म सड़क हादसा मन के सिलसिला रुके के नाम नई लेवत हे. कोरबी चौकी क्षेत्र म जलके के तिर मंगलवार के बिहनिया लगभग 9 बजे तेज रफ्तार राजपूत ट्रेवल्स के बस अनियंत्रित होके पलटगे हादसा म बस म सवार 10 यात्री घायल होगे हे.
सड़क हादसा के सूचना मिलत ही मौका म पहुंचे कोरबी पुलिस के टीम राहत अउ बचाव कार्य म जुटगे. घायल मन के उपचार पोंडी उपरोड़ा के स्वास्थ्य केंद्र म चलत हे. बताये जावत हे कि ये सड़क हादसा तेज रफ्तार के सेती होय हे. बस पेंड्रा ले कटघोरा तक चलथे. जोन ह सवारी ले बर जलके जावत रहिन।
तेज रफ्तार बस अनियंत्रित होके पलटिस, 10 यात्री मन होइन घायल
