रायपुर म भिनसरहा 7 बजे तेलिन तलाव ले रैली निकालके स्वास्थ्य, पोषण अऊ स्वच्छता के देहे जाही संदेश
जादा ले जादा मनखे मन के साईकिल रैली म भाग लेहे के गिलौली
रायपुर, महिला अऊ बाल विकास विभाग कोति ले पोषण जागरुकता बर 6 सितंबर के राजधानी रायपुर म तेलिन दाई तरिया पार ले भिनसरहा 7 बजे साइकिल रैली के आयोजन करे गए हे। करीबन 5-6 किलोमीटर के घेरा म यात्रा करके फेर तेलिन तलाब म साइकिल रैली के समापन होही। ये मां बड़ संख्या म जनप्रतिनिधि, छात्र-छात्रा, स्वयं सेवी संगठन के सदस्य, अधिकारी-कर्मचारी संग नागरिकगण सामिल होके स्वास्थ्य, पोषण अऊ स्वच्छता के संदेश देंहीं। पोषण महिना अंतर्गत आयोजित ये साइकिल रैली म विभाग ह जादा ले जादा संख्या म मनखे मन ल सहभागी होए के गिलौली करे हे।