कोरोना संकट के बाद घलव लऊहे-लऊहे होवत हे तेंदूपत्ता संग्रहण

रायपुर, 14 मई 2021। छत्तीसगढ़ म चालू साल 2021 म अब तक 4 लाख 76 हजार 631 मानक बोरा तेंदूपत्ता के संग्रहण हो गए हे, जेन लक्ष्य के एक चौथाई ले जादा हे। राज्य म चालू साल म 16 लाख 71 हजार मानक बोरा तेंदूपत्ता के संग्रहण के लक्ष्य हे। मुख्यमंत्री श्री भूपेश बघेल के निर्देश म पउर साल जइसे ये साल घलोक कोरोना-संकट के समय आर्थिक गतिविधि के सुचारु संचालन बर विशेष इंतजाम करे गए हे।
वन मंत्री श्री मोहम्मद अकबर के बताती कोविड-19 के गाइडलाइन अऊ जरूरी सावधानी मन के पालन करत वनवासी मन ले तेंदूपत्ता के संग्रहण लऊहे-लऊहे होवत हे। राज्य म अब तक संग्रहित मात्रा म ले वनमण्डल बीजापुर म 40 हजार 239 मानक बोरा अऊ सुकमा म 56 हजार 996 मानक बोरा तेंदूपत्ता के संग्रहण सामिल हे। अइसनहे वनमण्डल दंतेवाड़ा म 10 हजार 252 मानक बोरा, जगदलपुर म 14 हजार 736 मानक बोरा, दक्षिण कोण्डागांव म 12 हजार 453 मानक बोरा अऊ केशकाल म 17 हजार 255 मानक बोरा तेंदूपत्ता के संग्रहण होय हे। वनमण्डल नारायणपुर म 11 हजार 238 मानक बोरा, पूर्व भानुप्रतापपुर म 13 हजार 911 मानक बोरा, पश्चिम भानुप्रतापपुर म 11 हजार 30 मानक बोरा अऊ कांकेर म 20 हजार 167 मानक बोरा तेंदूपत्ता के संग्रहण हो गए हे।
अइसनहे वनमण्डल राजनांदगांव म 12 हजार 677 मानक बोरा, खैरागढ़ म 4 हजार 3 मानक बोरा, बालोद म 13 हजार 565 मानक बोरा अऊ कवर्धा म एक हजार 373 मानक बोरा तेंदूपत्ता के संग्रहण होए हे। वनमण्डल धमतरी म 13 हजार 510 मानक बोरा, गरियाबंद म 61 हजार 126 मानक बोरा, महासमुंद 47 हजार 619 मानक बोरा अऊ बलौदाबाजार 12 हजार 183 मानक बोरा तेंदूपत्ता के संग्रहण करे गए हे। वनमण्डल बिलासपुर म 5 हजार 311 मानक बोरा, मरवाही म 104 मानक बोरा, जांजगीर-चांपा म 3 हजार 297 मानक बोरा, रायगढ़ म 23 हजार 20 मानक बोरा, धरमजयगढ़ म 29 हजार 100 मानक बोरा, कोरबा म 9 हजार 872 मानक बोरा अऊ कटघोरा म 10 हजार 202 मानक बोरा के संग्रहण होय हे। अइसनहे वनमण्डल जशपुर म 7 हजार 978 मानक बोरा, मनेन्द्रगढ़ म 5 हजार 161 मानक बोरा, कोरिया म 464 मानक बोरा, सरगुजा म 6 हजार 963 मानक बोरा अऊ सूरजपुर म 813 मानक बोरा तेंदूपत्ता के संग्रहण हो गए हे।