छत्तीसगढ़ म 12 लाख मनखे मन ह 630 करोड़ रूपिया के तेन्दूपत्ता सकेलिन

रायपुर, छत्तीसगढ़ म चालू साल 2022 म अब तक 15 लाख 78 हजार मानक बोरा तेन्दूपत्ता के संग्रहण होए हे, जेन लक्ष्य के 94 प्रतिशत ले जादा हे। ये संग्रहण पउर साल के तुलना म करीबन 21 प्रतिशत जादा हे। एमां तेन्दूपत्ता संग्राहक मन ल अब तक कुल भुगतान होवइया राशि 630 करोड़ रूपिया म ले एक महीना के भीतरेच करीबन 300 करोड़ रूपिया के भुगतान हो गए हे। ए संग्रहण 12 लाख ले जादा तेन्दूपत्ता संग्राहक मन करे हें। वन अऊ जलवायु बदलाव मंत्री श्री मोहम्मद अकबर के मार्गदर्शन म राज्य म तेन्दूपत्ता संग्रहाक मन ल भुगतान सुचारू रूप ले जारी हे। राज्य म तेंदूपत्ता संग्रहण ले आदिवासी-वनवासी संग्राहक मन ल रोजगार के संगें-संग आय के भरपूर लाभ मिले लगे हे।