छत्तीसगढ़ म तेन्दूपत्ता सकेले के काम शुरू

रायपुर, छत्तीसगढ़ म चालू साल 2022 तेन्दूपत्ता सकेलइ के काम शुरू हो गए हे। राज्य म चालू साल के समय 17 लाख 32 हजार मानक बोरा तेन्दूपत्ता के संग्रहण के लक्ष्य हे। एमां अब तक एक लाख 75 हजार 400 मानक बोरा तेन्दूपत्ता के सकला गए हे।
मुख्यमंत्री श्री भूपेश बघेल के मंशा के मुताबिक वन अउ जलवायु बदलाव मंत्री श्री मोहम्मद अकबर के मार्गदर्शन म राज्य म तेन्दूपत्ता संग्रहण काम के सुचारू संचालन बर सबो जरूरी तैयारि पूरा कर लेहे गए हे। जानबा हे कि छत्तीसगढ़ म साल 2022 म तेन्दूपत्ता संग्रहण दर 4 हजार रूपिया प्रति मानक बोरा निरधारित करे गए हे। राज्य म तेन्दूपत्ता सकेले के काम ले करीबन 13 लाख आदिवासी-वनवासी संग्राहक परिवार मन ल सीधा-सीधा लाभ मिलही। ये संबंध म वन मंत्री श्री मोहम्मद अकबर ह प्रधान मुख्य वन संरक्षक अउ वन बल प्रमुख श्री राकेश चतुर्वेदी ल सबो वन मंडल मन म जरूरी कार्रवाई ठउका करे के हुकुम देहे हें।