तेंदूपत्ता संग्राहक मन के समय म होवय भुगतान: वन मंत्री श्री अकबर

राज्य म अब तक 2.61 लाख मानक बोरा तेंदूपत्ता के संग्रहण

रायपुर, 13 मई 2020। वन मंत्री श्री मोहम्मद अकबर के मार्गदर्शन म राज्य म तेंदूपत्ता संग्रहण के काम जोरदार चलत हे। इहां चालू सीजन के समय अब तक लक्ष्य के करीबन 15 प्रतिशत मने 105 करोड़ रूपिया के 2 लाख 61 हजार 350 मानक बोरा तेंदूपत्ता के संग्रहण हो गए हे। वन मंत्री श्री अकबर ह संग्राहक मन ल तेंदूपत्ता के संग्रहण काम के समय म सही-सही भुगतान ठउका करे बर विभागीय अधिकारी मन ल सख्त निर्देश देहे हें।

छत्तीसगढ़ राज्य लघु वनोपज सहकारी संघ ले मिले जानकारी के मुताबिक एमां वन मण्डलवार बीजापुर म 2 करोड़ 72 लाख रूपिया के राशि के 6 हजार 803 मानक बोरा, सुकमा म 14 करोड़ 65 लाख रूपिया के 36 हजार 615 मानक बोरा, दंतेवाड़ा म एक करोड़ 45 लाख रूपिया के 3 हजार 612 मानक बोरा अऊ जगदलपुर म 4 करोड़ 20 लाख रूपिया के 10 हजार 512 मानक बोरा तेंदूपत्ता के संग्रहण हो गए हे। अइसनहे दक्षिण कोण्डागांव म 4 करोड़ 58 लाख रूपिया के 11 हजार 453 मानक बोरा, केशकाल म 5 करोड़ 83 लाख रूपिया के 14 हजार 579 मानक बोरा, नारायणपुर म 3 करोड़ 76 लाख रूपिया के 9 हजार 395 मानक बोरा, भानुप्रतापपुर म 49 लाख रूपिया के एक हजार 233 मानक बोरा, पश्चिम भानुप्रतापपुर म 23 लाख रूपिया के 576 मानक बोरा अऊ कांकेर म 6 करोड़ 71 लाख रूपिया के 16 हजार 770 मानक बोरा तेंदूपत्ता के संग्रहण करे गए हे।

वन मण्डलवार राजनांदगांव म 2 करोड़ 75 लाख रूपिया के राशि के 6 हजार 869 मानक बोरा, खैरागढ़ म 2 करोड़ 62 लाख रूपिया के 6 हजार 547 मानक बोरा, बालोद म 3 करोड़ 20 लाख रूपिया के 7 हजार 998 मानक बोरा अऊ कवर्धा म 2 करोड़ 84 लाख रूपिया के 7 हजार 108 मानक बोरा तेंदूपत्ता के संग्रहण होय हे। धमतरी म 2 करोड़ 57 लाख रूपिया के 6 हजार 426 मानक बोरा, गरियाबंद म 15 करोड़ 57 लाख रूपिया के 38 हजार 917 मानक बोरा, महासमुन्द म 13 करोड़ 72 लाख रूपिया के 34 हजार 292 मानक बोरा अऊ बालौदाबाजार म 2 करोड़ रूपिया के 5 हजार 6 मानक बोरा तेंदूपत्ता के संग्रहण हो गए हे।

अइसनहे वन मण्डलवार बिलासपुर म एक करोड़ 28 लाख रूपिया के 3 हजार 188 मानक बोरा, मरवाही म 12 लाख रूपिया के 299 मानक बोरा, जांजगीर-चांपा म 62 लाख रूपिया के एक हजार 546 मानक बोरा, रायगढ़ म 5 करोड़ 37 लाख रूपिया के 13 हजार 422 मानक बोरा, धरमजयगढ़ म 3 करो़ड़ 98 लाख रूपिया के 9 हजार 945 मानक बोरा तेंदूपत्ता के संग्रहण करे गीस हे। एखर अलावा कोरबा म एक करोड़ 90 लाख रूपिया के 4 हजार 751 मानक बोरा अऊ कटघोरा म 45 लाख रूपिया के एक हजार 129 मानक बोरा, जशपुर नगर म 29 लाख रूपिया के 734 मानक बोरा, मनेन्द्रगढ़ म 56 लाख रूपिया के एक हजार 411 मानक बोरा अऊ सरगुजा म 9 लाख रूपिया के 213 मानक बोरा तेंदूपत्ता के संग्रहण हो गए हे।