कृषि विश्वविद्यालय के तीर 4 एकड़ जमीन म बनही भवन
प्रदेश के खिलाड़ी अऊ खेल प्रेमी मन ल मिलही एक बड़का सौगात
रायपुर, 18 नवम्बर 2020। मुख्यमंत्री श्री भूपेश बघेल काली 19 नवम्बर के अपन निवास कार्यालय ले वीडियों कॉन्फ्रेंसिंग के माध्यम ले राजधानी रायपुर म टेनिस स्पोर्ट अकादमी निर्माण काम के भूमिपूजन करहीं। कृषि विश्वविद्यालय रायपुर के सांस्कृतिक भवन ले लगे 4 एकड़ जमीन म टेनिस स्पोर्ट अकादमी के निर्माण करे जाही। एखर निर्माण बर राज्य शासन खेल अऊ युवा कल्याण विभाग कोति ले 17 करोड़ 75 लाख रूपिया के प्रशासकीय स्वीकृति प्रदान करके कार्यादेश जारी कर दे गए हे। अकादमी के निर्माण बर 15 महिना के समय निरधारित करे गए हे।
टेनिस स्पोर्ट अकादमी के अंतर्गत एडमिन भवन, छात्रावास अऊ टेनिस कोर्ट के निर्माण करे जाही। प्रशासकीय भवन के तरी म अगोरे अऊ सुरताए के कुरिया, जोहार-भेट ठीहा, दू कपड़ा बदले के कुरिया, दू ओसार, गाड़ी रखे के जगा अऊ छत म कसरत करे के ठीहा, जेवन के ठीहा, अगोरे सुस्ताए केठीरा अऊ दूसर मंजिल म घलव अइसनहे कुरिया अऊ ठीहा बनाए जाही।