तेरापंथ प्रोफेशनल फोरम के कार्यक्रम म सामिल होइन राज्यपाल
रायपुर, 22 सितंबर 2024। राज्यपाल श्री रमेन डेका आज तेरापंथ प्रोफेशनल फोरम रायपुर से ‘गुड लाइफ-गुड लक‘ विसय उपर आयोजित कार्यक्रम म सामिल होइन। ए अवसर म उमन कहिन कि जीवन म आनंद अऊ खुशि अपन हाथ म हे। कम सुविधा मन म घलोक खुश रहे जा सकत हे। समय के प्रबंधन घलोक बहुत जरूरी हे।
राज्यपाल श्री रमेन डेका ह मुनिश्री सुधाकर अउ मुनिश्री नरेश कुमार जी के सानिध्य म अनुभव अउ ज्योतिष शास्त्र उपर आधारित विशेष प्रवचन कार्यक्रम म अपन विचार रखत कहिन कि दुनिया एक मंच हे जेमां सबो के भूमिका निरधारित हे। जेला निभाना हे। समाज के बारे म घलोक हमला सोचना हे। समाज ह हमला का देहे हे ये नइ सोचके हम समाज ल का देवत हन ये सोचना चाही।
श्री डेका ह कहिन कि हमला पर्यावरण संरक्षण, जल संरक्षण के बारे म घलोक जागरूक होना हे। जल के बरबादी रोकव अऊ वाटर हार्वेस्टिंग व्यवस्था ल बढ़ावा देवव। जनसंख्या अऊ पर्यावरण के बीच संतुलन बनाना जरूरी हे। अभी हाल म सादा जीवन बहुत मुश्किल हे। हमार बर धन केवल वोतकेच जरूरी हे जतका खान-पान, बीमारी, अतिथि सत्कार बर जरूरत हे। अनावश्यक प्रतिस्पर्धा ले बचना होही। आधुनिक तकनीक के उपयोग सही तरीका ले होवय एखर उपर ध्यान देना हे। उमन मोबाइल के जादा उपयोग ल नुकसानदायक बताइन।