रायपुर, 27 जुलाई 2020। छत्तीसगढ़ म पहली ले दसवीं कक्षा तक के सबो पात्र विद्यार्थी मन ल 14 अगस्त तक पाठ्य पुस्तक के वितरण करे जाही। संचालक लोक शिक्षण जितेंद्र शुक्ला ह सबो संभागीय संयुक्त आयुक्त, जिला शिक्षा अधिकारी अउ जिला मिशन समन्वयक मन ल शिक्षा सत्र 2020-21 म स्कूली विद्यार्थी मन ल पाठ्य पुस्तक वितरित के संबंध म निर्देश जारी करे हे। जारी निर्देश म कहे गे हे कि पाठ्य पुस्तक के वितरण कार्य ल कोविड 19 ले संबंधित सतर्कता बर जारी दिशा-निर्देश के पालन करत हुये पालक अउ शिक्षक मन के माध्यम ले सुविधा के अनुसार पूरा कराये जाये। कोनो भी स्थिति म विद्यार्थी मन ल पुस्तक वितरण बर शाला म नई बुलाये जाना हे। दिशा-निर्देश के अनुपालन म शाला, संकुल, विकासखण्ड अउ जिला स्तर वितरण अउ पावती संबंधी दस्तावेज अउ रजिस्टर के संधारण करत हुये शत-प्रतिशत वितरण कार्य ल करे जाये। वितरण के जानकारी जिला शिक्षा अधिकारी/जिला मिशन समन्वयक 24 अगस्त तक अनिवार्यतः लोक शिक्षण संचालनालय अउ प्रबंध संचालक समग्र शिक्षा रायपुर ल प्रेषित करे। एखर संग ही निःशुल्क पाठ्य पुस्तक मन के प्राप्ति अउ वितरण के ऑनलाइन मॉनीटरिंग घलो करे जाही।
14 अगस्त तक स्कूली विद्यार्थी मन ल करे जाही पाठ्य पुस्तक के वितरण, निर्देश जारी
