रायपुर, 6 सितंबर 2020। छत्तीसगढ़ माध्यमिक शिक्षा मंडल ह 12वी बोर्ड के ऑनलाइन क्लास बर शुक्रवार के निर्देश जारी कर दे हे। जारी निर्देश के अनुसार मंडल के साइट म वीडियो अपलोड करे जाही, जेखर माध्यम ले छात्र पढ़ाई कर सकही।
बता देथन कि एखर पहली मंंडल ह बीते दिन 10वीं-12वीं के सिलेबस म 30 ले 40 प्रतिशत तक कटौती करे के निर्देश जारी करे रिहिस। संग म ही अवइया दिन म कक्षा के घलो ऑनलाइन संचालित करे जाही तेखर निर्णय करे रिहिस।
शिक्षा मंडल के डाहर ले जारी निर्देश म बताये गे रिहिन कि स्कूल के कक्षा ऑनलाइन संचालित होही, जेखर बर शिक्षा मंडल के यूट्यब चैनल म वीडियो अपलोड करे जाही। संग म ही सबो स्कूल के गुरुजी ले व्हाट्सएप ग्रुप म लइका मन के असाइनमेंट पूरा करे बर कहे गे हे। हर महीना के 15 तारीख तक लइका मन ल घर म ही असाइनमेंट पूरा करके स्कूल म कॉपी जमा कराही। इही असाइनमेंट के मार्क्स के आधार म अवइया साल के रिजल्ट जारी होही।
