धमतरी, 25 अक्टूबर 2020। अवैध रूप ले मादक पदार्थ गांजा रखइया 1 आरोपी ल रंगे हाथ पुलिस ह गिरफ्तार करिस। बीते रात थाना प्रभारी अर्जुनी उमेंद्र टंडन ल मुखबिर ले सूचना मिलीस त ग्राम सेहराडबरी अउ अर्जुनी मोड़ के बीच आम रस्ता म एक मनखे अवैध रूप ले गांजा मादक पदार्थ बेचे बर ग्राहक खोजत रिहिस। सूचना म पुलिस ह तत्काल टीम तैयार करके बताय हुए जगह के घेराबंदी करिन। रेड कार्यवाही करत हुए एक मनखे ल पकड़ीस। नाम पता पूछे म अपन नाम योगेश गुप्ता बतइस। ओखर तलाशी लेहे म ओखर बैग ले मादक पदार्थ गांजा बरामद करे गीस। आरोपी के पास ले 14 किलो 600 ग्राम मादक पदार्थ गांजा, नगदी रकम अउ एक मोबाइल जब्त करे गेहे। आरोपी ल गिरफ्तार करके कार्यवाही करे जावत हे। आरोपी ल न्यायिक रिमांड म न्यायालय पेश करे जाही।
गांजा बेचे के फिराक म रिहिस आरोपी ल पुलिस ह रंगे हाथ पकड़ीस
