बलौदाबाजार म बड़का संख्या म गाय मन के मउत, ग्रामीण मन म दहशत के माहौल

Dilip Kumar

बलौदाबाजार, 17 जुलाई 2020। जिला के ग्राम पहंदा म बड़का संख्या म गाय मन के मउत होगे हे. एखर ले ग्रामीण मन म दहशत के माहौल हे. ये घटना के सूचना के बाद पशु चिकित्सा विभाग के डॉक्टर गांव म पहुंचगे हे. चिकित्सक मन ह इलाज शुरू कर दे हे. गांव के मन बताइस कि इहां 11 गाय अउ 1 साड़ के मउत होय हे. ग्रामीण मन के आरोप हे कि जानवर मन ल जहर दे के मारे गे हे. फिलहाल डॉक्टर मन ह इलाज शुरू कर दे हे. ये मामला म पशुचिकित्सक एलएन जायसवाल ह कहिन कि गांव म कुल 16 पशु प्रभावित होय हे, जोन म ले 11 गाय के मउत होगे हे. चिकित्सक मन के प्रयास ले 5 पशु स्वस्थ होय हे.

लउछरहा..