जांजगीर चांपा, 30 अगस्त 2020। लापता युवक के जलाशय म तैरत हुए लाश मिले ले गांव म सनसनी फैल गिस। दरअसल जिला के थाना डभरा अंतर्गत ग्राम खोंधरी के छबीलाल सिदार उम्र 32 वर्ष 27 अगस्त ले लापता रिहिस। घर वाले मन खोजबीन करिस फेर कोई पता नइ चलिस। बीते दिन जलाशय म ओकर लाश तैरत मिलिस। ग्रामीण मन एकर सूचना 112 टीम ल दिन। ओकर बाद डभरा पुलिस मउका म पहुचीस। मृतक के शव ल जलाशय ले बाहर निकाले गिस। पुलिस ह बतइस कि मृतक छबिलाल सिदार के सिर म चोट के निशान हे अउ मृतक के लोवर के नाड़ा गला म बंधाय रिहिस। शव के पंचनामा कर पोस्टमार्टम बर सामुदायिक स्वास्थ्य केन्द्र डभरा लाय गिस। पोस्टमार्टम के बाद म शव ल परिजन मन ल सौंप दिस। डभरा पुलिस ह मर्ग कायम कर विवेचना म लिस। पुलिस ह कहिन कि पोस्टमार्टम रिपोर्ट आये के बाद म ही आगु के कार्रवाई करे जाही।
गुरुतुर गोठ बर भीषम वर्मा