सुकमा, 6 अक्टूबर 2020। सुकमा म बालक छात्रावास म पदस्थ चपरासी के करंट लगे ले मउत होगे। मिले जानकारी के अनुसार कर्मचारी तार जोड़े म विद्युत विभाग के कर्मचारी मन के सहयोग करत रिहिस तभे कोनो ह ट्रांसफार्मर ले लाइन चालू कर दीस अउ ओखर मउत होगे। मामला छिन्दगढ़ ब्लाक के अंतर्गत कुकानार थाना क्षेत्र के ग्राम पंचायत डोलेरास का हे, जिहां निवासी महादेव मुचकी के करंट के चपेट म आये ले मउत होगे।
मृतक के परिजन देवाराम के कहना हे कि विद्युत विभाग के कर्मचारी मन के कहे म महादेव मुचकी उंखर सहयोग के बर टूटे बिजली के तार ल जोड़े बर गे रिहिस। तार ल जोड़े म वो विद्युत विभाग के कर्मचारी मन के सहयोग करत रिहिस। कोनो ह ट्रांसफार्मर ले लाइन चालू कर दीस, जेखर सेती ले महादेव मुचकी के मउका म ही मउत होगे।