रायपुर, मुख्यमंत्री श्री भूपेश बघेल ह आज संसद म प्रस्तुत वित्तीय साल 2022-23 के केंद्रीय बजट उपर प्रतिक्रिया देवत कहिन कि केन्द्र सरकार के बजट निच्चट निराशाजनक अऊ दिशाहीन हे। बजट म किसान, मजदूर, युवा, बेरोजगार अऊ महिला मन बर कुछुच नइ हे। श्री बघेल ह कहिन कि बजट ल लेके मनखे मन ल बड़ उम्मीद रहिस कि किसान मन ल, मजदूर मन ल कुछ मिलही, फेर एमा कुछु नइ हे। किसान मन के आय दुगुना करे के बारे म कोनो बात नइ कहे गए हे। जुन्ना बजट म जेन विषय मन ल सामिल करे गए रहिस, वो बारे म कोनो प्रावधान नइ हे। 100 स्मार्ट सिटी बनाए के बात कहे गए रहिस, उहू पूरा नइ होवत हे। ये बजट निच्चटे दिशाहीन बजट ये। जेमां न नौजवान मन बर कुछ हे, न बेरोजगार मन बर, न महिला मन बर अऊ न किसान मन बर कुछ हे।
उमन कहिन कि बजट म भारत के सबले बड़े ग्रामीण क्षेत्र के अर्थव्यवस्था, कृषि अउ किसान, बेरोजगार अउ गरीब, महिला अउ युवा अऊ मध्यम वर्ग अऊ सामान्य जन बर कोनोच प्रकार के राहत या उंखर आजीविका अउ आय बढ़ाए के बारे म कोनो ठोस प्रावधान, कार्ययोजना या इच्छाशक्ति नइ दिखत हे। बजट ले किसान मन के आय 2022 तक दुगुना करे के केन्द्र सरकार के वादा खोखला साबित होए हे।
The budget of the central government is completely disappointing and directionless.