हाथी के हमला ले वन विभाग के कर्मचारी के हालत नाजुक, ग्रामीण मन म दहशत के माहौल

बालोद, 12 नवंबर 2020। बालोद जिला के डौंडी ब्लॉक म हाथी मन के दल ह उत्पात मचावत हे. ग्रामीण मन के संगे संग वन विभाग के अमला बर घलो हाथी भारी पड़त हे. बुधवार के वन विभाग के एक कर्मचारी ल हाथी ह घायल कर दीस. मउका म मौजूद वन कर्मी मन ह तत्काल घायल कर्मचारी ल डौंडी सामुदायिक स्वास्थ्य केंद्र ले के गिस, जिहां गंभीर स्थिति ल देखत हुए जिला अस्पताल रेफर कर देहे गए हे. वन विभाग के कर्मचारी बृजलाल पिता कगलू राम गोड़ (47 वर्ष) उपर हाथी ह हमला करत हुए दाहिना हाथ म, दाहिना छाती म अउ दाहिना आँख के ऊपर चोट पहुंचाए हे. स्थल म अन्य वन कर्मी मन के रहे के से‍ती ले घायल ल जल्द अस्पताल ले जाए गिस, जिहां ले स्थिति ल देखत हुए जिला अस्पताल रेफर कर देहे गिस.