रायपुर, 26 मई 2020। मुख्यमंत्री श्री भूपेश बघेल ह कहिन हे के राजधानी रायपुर के ऐतिहासिक बूढ़ा तालाब विवेकानंद सरोवर अवइया समय म तेलीबांधा तालाब जइसे ही शहर के आकर्षण के केन्द्र बनही। बूढ़ा तालाब के साफ-सफाई के बाद योजनाबद्ध रूप ले बूढ़ा तालाब के सौंदर्यीकरण करे जाही। मुख्यमंत्री ह आज मंझनिया राजधानी रायपुर के बूढ़ा तालाब के साफ-सफाई के बाद अवलोकन करिन। श्री बघेल ह ये महिना के 11 तारीक ले नगर निगम रायपुर कोति ले बूढ़ा तालाब के साफ सफाई बर चलाए गए अभियान के सराहना करिन। उमन कहिन के दिन-रात मेहनत करके बूढ़ा तालाब ले जलकुंभी अऊ कचरा निकाले गए हे। अब तालाब के पानी साफ दिखत हे।
नगरीय प्रशासन मंत्री डॉ शिव डहरिया, विधायक श्री सत्यनारायण शर्मा, श्री कुलदीप जुनेजा अऊ श्री विकास उपाध्याय, नगर निगम रायपुर के महापौर श्री एजाज ढेबर, सभापति श्री प्रमोद दुबे, मुख्य सचिव श्री आर.पी. मण्डल, प्रधान मुख्य वन संरक्षक श्री राकेश चतुर्वेदी, प्रभारी कलेक्टर अऊ नगर निगम रायपुर के कमिश्नर श्री सौरभ कुमार संग बहुत अकन पार्षद अऊ जनप्रतिनिधि ये बेरा म उपस्थित रहिन।