जशपुर, मुख्यमंत्री श्री विष्णुदेव साय किसान मन ल आर्थिक रूप ले सशक्त बनाए बर कृषि के संग आन फसल ल लेहे बर प्रोत्साहित करत हें। उद्यानिकी विभाग ह राज्य के किसान मन ल फूल के खेती बर प्रेरित करत हे, ताकि ओ मन ल स्व-रोजगार के अवसर उपलब्ध हो सकय अऊ किसान मन के आय म सरलग बढ़ोतरी हो सकय। इही क्रम म जशपुर जिला प्रशासन के अंतर्गत उद्यान विभाग ह किसान मन ल आधुनिक तकनीक ले पौधा रोपण करे बर प्रशिक्षण देवत हे। किसान मन ले सहमति लेके उंखर निजी जमीन म फूल के पौधा रोपण के काम कराए जात हे।
इही कड़ी म कांसाबेल विकासखण्ड के ग्राम हथगड़ा निवासी लक्ष्मण कुमार बंजारा ह गेंदा पौधा के रोपण करे हे। बंजारा ह बताइस कि उद्यानिकी विभाग ह ओ ल पुष्प उत्पादन के महत्व अउ लाभ के विसय के बारे म तकनीकी मार्गदर्शन उपलब्ध कराइस अउ वो ह अपन साधन ले अपन बाड़ी म गेंदा पौधा के रोपण करिस। वो ह बताइस के गेंदा के उन्नत खेती करे ले गेंदा फूल के अच्छा पैदावार होए लगे हे। स्थानीय बाजार के संग आस-पास के क्षेत्र म गेंदा पुष्प के अच्छा मांग होए ले सीजन म ओ ल 52 हजार रूपिया के आमदनी हो गए हे। ओकर बताती के वो ह येकर खेती करके संतुष्ट हे अऊ भविष्य म उन्नत पुष्प उत्पादन करके अपन आय म बढ़ोतरी करत रइही।
किसान लक्ष्मण गेंदा फूल के खेती ले कमावत हे बनेच लाभ
