रायपुर, 4 दिसम्बर 2020। छत्तीसगढ़ राज्य महिला आयोग के अध्यक्ष डॉ किरणमयी नायक ह गुरूवार के रायपुर के जलविहार स्थित आयोग कार्यालय म विभिन्न जिला मन के महिला मन के उत्पीड़न संबंधित प्रकरण मन उपर जन सुनवाई करिन। प्रस्तुत प्रकरण शारीरिक शोषण, मानसिक प्रताड़ना, दहेज प्रताड़ना, सम्पत्ति विवाद आदि ले संबंधित रिहिस। एक प्रकरण के सुनवाई करत हुए आयोग के अध्यक्ष ह कहिन कि चार माह के बच्ची ल माँ ले दूर रखना गलत हे। बच्ची के सम्पूर्ण देखभाल बर माँ के नितांत आवश्यकता होथे। आयोग के समझाइश म बच्ची के पिता अगला दिन ही आयोग के समक्ष माँ ल सौपे बर तैयार होगे।
एक अन्य प्रकरण म रायपुर निवासी महिला ह अपन बड़े बेटा द्वारा मानसिक रूप ले प्रताड़ित करे के शिकायत आयोग ले करिस। प्रकरण के सुनवाई करत हुए आयोग के अध्यक्ष डॉ. नायक ह बड़े बेटा ल पिता के सम्पति ले हिस्सा लेके अलग रहे बर कहिन।
इही तरह भिलाई म महिला महाविद्यालय के सहायक प्राध्यापिका मन ल प्रबंधन द्वारा समय ले पहली सेवानिवृत्त करके प्रताड़ित करे के मामला आयोग के समक्ष आइस। प्राध्यापिका मन ल सितंबर माह के वेतन काम करे के बाद घलो नई देहे गिस। आयोग के अध्यक्ष ह एक सप्ताह के भीतर वेतन भुगतान करे बर प्रबंधन ल कहिन। सुनवाई के दौरान कोरोना संक्रमण ल देखत हुए सोसल डिस्टेंसिंग अऊ फिजीकल डिस्टेंसिंग सहित अन्य दिशा-निर्देश मन के पालन करे गिस।
