स्वास्थ्य सचिव ह सबो कलेक्टर, पुलिस अधीक्षक मन अऊ सीएमएचओ के संग कोविड-19 के नियंत्रण के उपाय मन के समीक्षा करिन
वीडियो कॉन्फ्रेसिंग म संग चर्चा करके दीन जरूरी हुकुम
रायपुर. 24 मार्च 2020। स्वास्थ्य विभाग के सचिव श्रीमती निहारिका बारिक सिंह ह आज इहां वीडियो कॉन्फ्रेसिंग के संग सबो जिला के कलेक्टर, पुलिस अधीक्षक अऊ मुख्य चिकित्सा अउ स्वास्थ्य अधिकारी मन ले चर्चा करके कोविड-19 के संक्रमण रोके के उपाय मन के समीक्षा करिन। उमन स्वास्थ्य विभाग के क्वारेंटाइन सेंटर्स अऊ होम-क्वारेंटाइन म रह मनखे मन के लगातार निगरानी के निर्देश दीन। उमन क्वारेंटाइन के मानक अऊ दिशा-निर्देश के कड़ाई ले पालन सुनिश्चित करवाए ल कहिन। स्वास्थ्य सचिव ह सबो जिला मन ल 3-प्लाई अऊ एन-95 मास्क अऊ पी.पी.ई. (Personal Protection Equipment) के जरूरत के मुताबिक सावधानी से उपयोग करे के घलोक हुकुम दिए हें। वीडियो कॉन्फ्रेसिंग म संचालक, स्वास्थ्य सेवाएं श्री नीरज बंसोड़ अऊ राष्ट्रीय स्वास्थ्य मिशन के संचालक डॉ. प्रियंका शुक्ला घलोक मौजूद रहिन।