कृषा के कुपोषण ले सुपोषण तक के सफर

दुर्ग, महिला अउ बाल विकास विभाग, दुर्ग के कुपोषण मुक्ति अभियान ले ग्राम गनियारी के ढाई बछर के कृषा ठाकुर ल नवा जीवन मिले हे। पहिली मध्यम कुपोषित रहे कृषा अब सामान्य पोषण श्रेणी म आ गए हे।
आंगनबाड़ी कार्यकर्ता मिथिलेश देवदास ह गृहभेंट म पाइस के कृषा बाजार के पैकेट वाले खाद्य पदार्थ के सेवन करत रहिस। परिवार ल पोषणयुक्त भोजन के सलाह देहे गीस अऊ डाइट चार्ट के पालन करे ल कहे गीस। चार महिना के सतत निगरानी अऊ बाल संदर्भ योजना के सहयोग ले कृषा के वजन 9.2 ले बढ़के 10.2 किलोग्राम हो गीस। ए सफलता ले प्रेरित होके एक आन कुपोषित बालक मितांशु के मां ह घलोक पोषण संबंधी उपाय अपनाए हे। जिला अधिकारी अजय कुमार साहू ह बताइस के नियमित गृहभेंट अऊ जागरूकता ले कुपोषण ले लड़ना संभव हे। कृषा के कहानी अब पूरा जिला बर प्रेरणा बन गए हे।