परिजन मन ल फोन करके मांगे रिहिस 10 लाख के फिरौती, व्यापारी संतोष जैन के हत्यारा मन पुलिस के गिरफ्त म

रायपुर, 4 नवम्बर 2020। बर्तन व्यापारी संतोष जैन के हत्यारा मन ल पुलिस ह गिरफ्तार कर लेहे हे। एडिशनल एसपी ओमप्रकाश शर्मा, नगर पुलिस अधीक्षक हेमसागर सिदार अउ बोधघाट थाना प्रभारी राजेश मरई, कोतवाली थाना प्रभारी एमन साहू ह प्रेस कॉन्फ्रेंस करके ये मर्डर मिस्ट्री के खुलासा करिन। अतिरिक्त पुलिस अधीक्षक ह बताइस कि 25 अक्टूबर के बर्तन कारोबारी संतोष जैन के अपहरण करे गे रिहिस, परिजन मन ह 27 अक्टूबर के रिपोर्ट कोतवाली थाना म दर्ज कराय रिहिन। पुलिस के टीम ह येमा जांज शुरू करिन। जेमा सीसीटीवी से ले के मोबाइल टावर के डंप अउ संदेही मन ले पूछताछ के काम लगातार चलत रिहिस। इही बीच म संतोषी वार्ड के उमेश यादव के घटना म शामिल होय के शक होइस जे ट्रक ड्राइवर हे, जेखर बाद ओला हिरासत म लेके ओखर अउ ओखर साथी ले पूछताछ करे गीन जेखर ले घटना के खुलासा होइस।