कांकेर, 02 अगस्त 2020। कांकेर जिला के चारामा इलाका के बागडोंगरी गांव के एक घर म बिहनिया चितवा (तेंदुआ) घुसगे. तेंदुआ घर के कुरिया म अभी भी घुसे हे. जेखर बाद ले डरे सहमे गांव वाला मन ह एखर जानकारी वन विभाग ल दिस. चितवा (तेंदुआ) ल सुरक्षित बाहर निकाले बर वन अमला अउ पुलिस विभाग के टीम मउका म पहुंच के रेस्क्यू ऑपरेशन म जुटगे हे. कांकेर जिला म लगातार जंगल कम होय के सेती जंगली जानवर मन ह रिहायशी इलाका म आये ल धरत हे. खास करके ग्रामीण इलाका म जंगली जानवर मन के आये ले इंसान अउ वन्यप्राणी मन के बीच टकराव के स्थिति बनत हे. फिलहाल वन विभाग तेंदुआ ल पकड़े म जुटे हे. बता देथन कि एखर पहली घलो ग्रामीण इलाका मन म जंगली जानवर घुस चुके हे.
चारामा इलाका म घर के अंदर घुसिस चितवा “तेंदुआ”, सुरक्षित बाहर निकाले बर वन विभाग करत रेस्क्यू ऑपरेशन
