कोरिया, 31 मई 2020। पाकिस्तान ले निकले टिड्डी दल मध्यप्रदेश के सीमा ले दक्षिण दिशा ले होवत कोरिया जिला म प्रवेश कर चुके हे. स्थानीय ग्रामीण मन ह जानकारी दिस कि वनांचल क्षेत्र भरतपुर के ग्राम पंचायत चरखर के ग्राम धोरधरा के ज्वारीटोला म टिड्डी पहुंचगे हे. जेखर बाद कृषि विभाग ह ग्रामीण मन ल अलर्ट कर दिये हे, लेकिन ग्रामीण मन ल ये डर सतावत हे कि टिड्डी मन उंखर फसल ल बर्बाद कर देही. हालांकि प्रवेशित टिड्डी मन के संख्या ज्यादा नई हे. टिड्डा मन ले फसल के बचाव बर उचित सलाह, मार्गदर्शन अउ नियंत्रण बर कृषि विभाग के उप संचालक के कार्यालय म कंट्रोल रूम स्थापित करे गये हे. उपसंचालक ह बताइस कि कंट्रोल रूम के दूरभाष क्रमांक 07836-232214 हे अउ ये 24 घंटा संचालित होही. एखर बर अधिकारी-कर्मचारी मन के ड्यूटी लगा दिये गये हे.
टिड्डी मन के दल छत्तीसगढ़ पहुचीस, ये जिला म करिस प्रवेश, कृषि विभाग ह ग्रामीण मन ल करिस अलर्ट
