बैजनाथ पारा म चाकूबाजी करइया बदमाश मन के पुलिस ह निकालिस जुलूस

रायपुर 26 अप्रैल 2024। मामला कोतवाली थाना क्षेत्र के बैजनाथ पारा के हे। पीड़ित नागेश्वर यादव ह सुकरवार रात FIR दर्ज कराइस कि, वो मारुति स्काई तेलीबांधा तीर रहिथे। ओखर राम मंदिर तीर चाय नाश्ता के दुकान हे। रामनवमी के शोभायात्रा के समय ओखर कुछ युवक मन के संग विवाद हो गीस। एखर बाद 25 अपरेल के रात 2 बजे के करीब साहिल अऊ ओखर दोस्त मन ह मिलके नागेश्वर अऊ ओखर दूसर साथी मन म हथियार ले हमला कर दीस। ए हमला म चाकू लकड़ी के बत्ता अऊ रॉड के उपयोग करे गीस। ए मामला म कोतवाली पुलिस ह एफआईआर दर्ज करे हे। FIR म नामजद चारों आरोपी अशरफ, साहिल, इमरान अऊ गोलू पुलिस के गिरफ्त म हे। ए मामला म पुलिस ह बैजनाथ पारा म चाकूबाजी करइया बदमाश मन के जुलूस निकाल के आरोपी मन ल कोर्ट म पेश करके जेल भेज देहे हे।