रायपुर, 08 सितंबर 2024/ बाढ़ अउ आपदा के समय जिला म नगर सेना के पूरा टीम तत्परतापूर्वक जान माल के रक्षा खातिर सक्रिय रहिथें। कोनो प्रकार के आपदा आए म बचाव दल मौका म पहुंचके अपन जिम्मेदारी बखूबी निभाथे। स्वास्थ्य विभाग के सूचना म गर्भवती महिला श्रीमती चिंता वडे ग्राम चोकन पाल पंचायत गंगालूर ल प्रसव पीड़ा उमडिस। वोला प्रसव बर गंगालूर स्वास्थ केंद्र लाना जरूरी रहिस। फेर कमकनार घाट म मिंगाचल नदी के जलस्तर बाढ़ जाय ले नगर सेना के रेस्क्यू टीम ल रेड्डी भेजे गीस। जिहां गर्भवती महिला ल नदी पार कराए गीस अऊ महिला ल स्वास्थ केंद्र गंगालूर ले जाए गीस।
रेस्क्यू टीम म कुम्हार कृष्ण राव, जिल्युस तिर्की, कृष्णदेव चालकी, संदीप भगत, मनीराम तेलम, रामचंद्र पवार, रैन्नु मिंज कन्हैया दुब्बा अऊ अरुण दुब्बा ह महत्वपूर्ण भूमिका निभाईन। सुरक्षित अस्पताल पहुंचके गर्भवती महिला अउ ऊंखर परिवार ह नगर सेना के टीम ल धन्यवाद ज्ञापित करिस।