रायपुर, 26 मार्च 2020। राज्य शासन कोति ले कोरोना वायरस के कारण उत्पन्न समस्या मन ल ध्यान म रखत प्रदेश के पंजीकृत श्रमिक अऊ कर्मकार मन ल तुरते सहायता प्रदान करे के निर्णय लेहे हे। कलेक्टर के अध्यक्षता म समिति गठित करके संकटग्रस्त अऊ जरूरतमंद श्रमिक मन के समस्या मन के तुरंते या 24 घंटा के भीतर समस्या मन के निराकरण करे के हुकुम सबो कलेक्टर मन ल जारी कर देहे गए हे। राज्य शासन के श्रम विभाग कोति ले एखर बर राज्य स्तर म हेल्पलाइन नंबर जारी करे गए हे।
संकट म फंसे या जरूरतमंद पंजीकृत श्रमिक अऊ कर्मकार हेल्प हेल्पलाइन नंबर – 9109849992 अऊ 0771 2443809 म संपर्क कर सकत हें। श्रम विभाग के सचिव कोति ले कलेक्टर मन ल भेजे गए पत्र म ये घलोक कहे गए हे के संकट के स्थिति या जरूरतमंद श्रमिक मन के प्रकरण के निराकरण बर जिला कलेक्टर के अध्यक्षता म समिति गठित करे जाय, मुख्य कार्यपालन अधिकारी जिला पंचायत कलेक्टर कोति ले नामित नोडल अधिकारी अऊ श्रम विभाग के सहायक श्रम आयुक्त, श्रम पदाधिकारी, सदस्य, सचिव समिति के सदस्य होहीं। समिति कोति ले प्रकरणवार सहायता अउ जरूरत के आकलन करत तुरंते या 24 घंटा के भीतर निर्णय करके कार्यवाही करे जाही। ए प्रकरण मन के व्यय के पूर्ति बर श्रम विभाग कोति ले जिला मन ल अलग ले आबंटन उपलब्ध कराए जाही। एखर अलावा जिला म जिला कलेक्टर कोति ले जिला हेल्पलाइन नंबर जारी करके एखर बर नोडल अधिकारी नियुक्त करे बर तको कहे गए हे।