बिलासपुर, 4 दिसम्बर 2020। छत्तीसगढ़ के बिलासपुर हाई कोर्ट म बतौर प्यून के काम करने वाला मंतोष कुमार ह टीवी शो कौन बनेगा करोड़पति म बड़का सफलता हासिल करिन हे। हॉट सीट म बइठे मंतोष ह एक के बाद एक सवाल मन के सही जवाब देके लाखों रुपिया के धनराशि जीते हे।
बतादन कि बिलासपुर के तिफरा इलाका म रहने वाला मंतोष कुमार ह मई 2020 म कौन बनेगा करोड़पति शो म शामिल होए बर पूछे जाने वाला सवाल मन के जवाब देहे रिहिस। जेखर बाद 10 नवंबर के ओला ए शो म बतौर कंटेस्टेंट शामिल होए बर मुंबई बुलाए गिस।
शो म खेल के दौरान वो 10 प्रश्न मन के उत्तर दीन, 11वां प्रश्न के जवाब गलत साबित होगे। तब तक मंतोष कुमार तीन लाख ले जादा रुपिया जीत चुके रिहिस। मंतोष कुमार ह अपन जीत के श्रेय अपन मां नानू बाई ल दे हे, जेन ह पिता के गुजरे के बाद होटल म समोसा बेच के उंखर लालन-पालन करके ओला अच्छा शिक्षा दीन।
