शहादत के सम्मान म शहीद गणेशराम कुंजाम के नाम ले होइस प्राथमिक शाला गिधाली के नामकरण

रायपुर, 10 जुलाई 2020। मुख्यमंत्री भूपेश बघेल के घोषणा के परिपालन म कांकेर जिला प्रशासन चारामा तहसील के ग्राम गिधाली के प्राथमिक शाला के नामकरण शहीद गणेशराम कुंजाम के नाम म कर देहे गए हे। मुख्यमंत्री के घोषणा के बाद शासन द्वारा ये प्राथमिक शाला के नाम अब शहीद गणेशराम कुंजाम शासकीय प्राथमिक शाला करे जाये के संग विद्यालय भवन के आगु दीवार म येला विधिवत लेखन घलो कर दे गए हे। शहीद गणेशराम कुंजाम के नाम ले वाला ये प्राथमिक शाला के नवीनीकरण घलो कराये जावत हे। शहीद गणेशराम कुंजाम गिधाली गांव के रहने वाला रिहिस हे। वो अपन प्राथमिक शिक्षा इही प्रायमरी स्कूल ले करे रिहिस हे। भारत-चीन सीमा म गलवान घाटी म बीते महिना देश के सीमा के रक्षा करत हुए गणेशराम कुंजाम शहीद होगे रिहिस। मुख्यमंत्री भपूेश बघेल ह छत्तीसगढ़ के ये वीर सपूत के शहादत के सम्मान करत हुए गिधाली के प्राथमिक शाला के नाम शहीद गणेशराम कुंजाम के नाम करे जाये के घोषणा करे रिहिस।
मुख्यमंत्री के निर्देश के पालन म जिला प्रशासन द्वारा गिधाली के प्राथमिक शाला भवन के रंग-रोगन कराये जाये के संग ही उहा लाईब्रेरी अउ कम्प्यूटर कक्ष के घलो निर्माण कराये जावत हे। कलेक्टर केएल चौहान अउ पुलिस अधीक्षक गुरुवार के ग्राम गिधाली पहुंच के विद्यालय भवन के नवीनीकरण कार्य के अवलोकन करिन अउ आधिकारी मन ल आवश्यक निर्देश दिस। कलेक्टर ह प्राथमिक विद्यालय के संग ही माध्यमिक विद्यालय भवन के घलो रंग-रोगन कराये जाये के निर्देश दिस। गिधाली म शहीद गणेशराम कुंजाम के स्मृति म छायादार अउ फलदार पौध मन के रोपण करे गिस। ये अवसर म ग्राम पंचायत कुर्रूटोला के सरपंच, एसडीएम चारामा, मुख्य चिकित्सा अउ स्वास्थ्य अधिकारी, बीएमओ, तहसीलदार चारामा अउ जनपद पंचायत के मुख्य कार्यपालन अधिकारी उपस्थित रिहिस।