रायपुर, 22 नवंबर 2020। प्रदेश म पिछला दिन मन म होए बारिश अऊ शीतलहर ह ठंड बढ़ा दीस हे. संग ही किसान मन के फसल बर्बाद होगे. प्रदेश म अधिकतम तापमान 5 डिग्री के गिरावट दर्ज करे गे हे. रायपुर जिला म 16.6 दर्ज करे गिस. पेंड्रा म 10.0 डिग्री दर्ज करे गिस. आने वाला दिन म बारिश के संभावना जताए गे हे. मौसम वैज्ञानिक ह बारिश के बाद एक घाव फेर तापमान म गिरावट होए के बात कहे हे.
मौसम वैज्ञानिक एस के अवस्थी ह बताइस कि ठंड ह दस्तक दे हे लेकिन चौथा पांचवा दिन बारिश होए के संभावना बनत हे अऊ एक दू दिन म तापमान म अऊ गिरावट आही, फेर बारिश होए के बाद तापमान म कमी आही.
रायपुर जिला के तापमान के बात करे जाए त आज 16.6 डिग्री दर्ज करे गे हे. उहें प्रदेश म सबसे कम तापमान पेंड्रा रोड के हे. पेंड्रा जिला के तापमान 10 डिग्री दर्ज करे गे हे. सबो जिला मन म 5 डिग्री तापमान के गिरावट होए हे.
आज के न्यूनतम तापमान-
रायपुर 16.6
माना 15.2
अंबिकापुर 10.2
बिलासपुर 13.4
पेंड्रा रोड 10.0
जगदलपुर 18.9
दुर्ग 14.2
राजनांदगांव 14.8
