माटी के झोपड़ी (कुंदरा) ले पक्‍का घर तक : सन्ना गांव के महंती बेक के कहानी

साय सरकार के पहल ले ग्रामीण महिला के सपना होइस साकार
जशपुर, जिला के बगीचा विकासखंड के सन्ना गांव के महंती बेक के पक्‍का घर म रहे के कइ बछर जुन्ना सपना आखिरकार साकार होवइया हे। प्रधानमंत्री आवास योजना के तहत वोखर पति श्री सुनील के नाव ले पक्‍का मकान के स्वीकृति मिले हे अऊ निर्माण काम तेजी ले चलत हे। माटी अऊ टिन के झोपड़ी म परेशनी ले जूझत परिवार खातिर अब स्थायित्व अऊ सम्मान के अहसास मिलइया हे।
महंती बेक कहत हे के “कभू बरसात म छत चूहय, सर्दी-गर्मी म झोपड़ी म परेशानी होत रहिस। पति के संग मजदूरी करके लइका मन के परवरिश करना मुश्किल रहिस। प्रधानमंत्री आवास योजना ले गृह निर्माण बर आर्थिक सहायता मिले हे अऊ अब अपन नवा घर के दीवार खड़ी होत देख के मोला बहुत खुशी मिलत हे।”
ओ आगू कहत हे के साय सरकार के “महतारी वंदन‘‘ योजना ले हर महिना 1000 रूपिया के सहायता मोला मिलत हे, जेखर से लइका मन के जरूरत आसानी ले पूरा हो जात हे। उज्ज्वला योजना ले गैस सिलेंडर मिले हे, जेखर से रसोई के काम घलोक अब आसान हो गए हे अऊ धुंगिया ले मुक्ति मिले हे। नवा घर म रहे के सपना घलोक जल्दीच साकार होही।”
महंती बेक आभार प्रकट करत कहत हे के “हम गरीब मन के घर बनाए के सपना पूरा करे खातिर मैं प्रधानमंत्री श्री नरेंद्र मोदी अऊ मुख्यमंत्री श्री विष्णुदेव साय जी के हृदय ले आभारी हंव। सरकार के योजना मन ह हमार जीवन म स्थिरता अऊ सम्मान के भावना देहे हे।”
साय सरकार अऊ प्रधानमंत्री नरेंद्र मोदी के अगुवई म प्रधानमंत्री आवास, महतारी वंदन अऊ उज्ज्वला जइसे योजना मन छत्तीसगढ़ के लाखों जरूरतमंद ग्रामीण परिवार मन खातिर सामाजिक बदलाव अऊ सशक्तिकरण के चिन्‍हारी बन गए हे।