कंसल्टिंग कंपनी के मैनेजर के मकान के ताला तोड़ के 7 लाख रुपिया के गहना के चोरी, पड़ोसी के मकान के घलो करिस हाथ साफ

रायपुर, 4 दिसम्बर 2020। रायपुर म चोर मन ह हाउसिंग बोर्ड कॉलोनी म रहवइया कंसल्टेंसी कंपनी के मैनेजर अऊ ओखर पड़ोसी ल निशाना बनइस। दुनों परिवार के संग बाहर गए रिहिस। मैनेजर देर रात लउटीस त चोरी के पता चलिस। चोर घर ले करीब 7 लाख रुपिया के गहना ल ले गए हे। जबकि पड़ोसी के बाहर होय के चलत चोरी के सामान के जानकारी नई मिले हे। घटना विधानसभा थाना क्षेत्र के हे। जानकारी के मुताबिक, पिरदा हाउसिंग बोर्ड कॉलोनी फ्लैट नंबर 6 निवासी चंद्रकांत साहू आमानाका स्थित कंसल्टिंग फर्म म मैनेजर हे। ओ इहा अपन पत्नी श्रद्धा साहू अऊ भाई अजय साहू के संग रहत रिहिस। चंद्रकांत ह पुलिस ल बतइस कि 29 नवंबर के बिहनिया पत्नी के संग रिश्तेदारी म जगदलपुर गए रिहिस। आगु दिन 30 नवंबर के मंझनिया भाई अजय घलो घर म ताला लगा के कोनो काम ले धमतरी चले गए।