सुशासन अऊ समयबद्ध कुशल प्रबंधन, समन्वय ले प्रदेश के कमजोर तबका मन बर भरपेट भोजन के व्यवस्था सबले अहम साबित
कबीरधाम , 18 अप्रैल 2020। कोरोना वायरस के संक्रमण अऊ ये वैश्विक महामारी ले पैदा होए संकट के बेरा म राज्य सरकार ह कबीरधाम जिला के दू लाख 15 हजार परिवार ल प्रचलित राशन कार्ड के माध्यम ले एक संग दू महिना के चावल अऊ नून मिले ले ऊंखर हौसला ल नवा उड़ान मिले हे। मुख्यमंत्री श्री भूपेश बघेल के सुशासन अऊ समयबद्ध कुशल प्रबंधन, समन्वय के ये ठोस नीति ले कोरोना वायरस के संक्रमण के रोकथाम अऊ वोखर बचाव म प्रदेश के कमजोर तबका मन बर भरपेट भोजन के व्यवस्था सबले अहम साबित होवत हे। मानव जीवन के मूलभूत जरूरत रोटी, कपड़ा अऊ मकान हे। समय के संगें-संग ये मूलभूत आवश्कता म रोजगार घलोक जुड़ गए हे। ये संकट के घड़ी म राज्य सरकार ह रोटी अऊ रोजगार ल प्राथमिकता म रखे हे। रोटी के चिंता ल दूर करत एक संग दू महिना के चावल निःशुल्क दे गए हे। कोरोना वायरस के प्रसार के रोकथाम ल विशेष ध्यान म रखत रोजगार के समस्या ल दूर करे जात हे। कबीरधाम जिला म ग्राम पंचायत मन के मांग के आधार म बड़का पैमाना म रोजगार मूलक कार्य महात्मा गांधी राष्ट्रीय रोजगार गारंटी योजना के तहत मंजूरी देहे जात हे। ये काम म लगे श्रमिक मन के आपसी शारीरिक दूरी बनाए रखे के आधार म रोजगार के द्वार घलोक खोले जावत हे। कबीरधाम जिला म नीजि तौर म तीन सौ ले जादा छोटे-बडे गुड़ उद्योग संचालित हे। ए उद्योग मन म बड़का पैमाना म कुशल श्रमिक काम करत हे। उन सबो कुशल श्रमिक मन ल रोजगार के उपलब्धता सरलग बने रहय, एखर बर शारीरिक दूरी बनाए गुड़ उद्योग मन ल शुरू करे गए हे।
