दुर्ग, 28 मार्च 2020। नगर पालिक निगम, भिलाई के खुर्सीपार ल सेनेटाईज करे के बड़का काम करे जात हे। स्वाथ्य विभाग के कर्मचारी मलेरिया आईल, ब्लिचिंग घोल के छिड़काव, मैलाथियान के छिड़काव अऊ फागिंग के काम सरलग करत हें। कोरोना पाजिटिव पाये गए मरीज के घर के तीर-तखार के घर मन म घलोक सेनेटाईज करे के जबर काम करे जात हे।
संगें संग निगम ह मुनादी कराके तीर-तखार के घर म रहवईया परिवार वाले मन ल घर ले झन निकले के अपील करे जात हे। ये इलाका म स्वास्थ्य अमला सक्रिय हे अऊ सरलग निगरानी करत हें। जादा ले जादा जगा ल सेनेटाईज करे बर फायर ब्रिगेड के वाहन के उपयोग सेनेटाईजर छींचे बर करे जात हे।