जगदलपुर, 10 जुलाई 2020। राज्य सरकार के महत्वाकांक्षी सुराजी योजना के तहत् ग्रामीण इलाक़ा मन म गौठान एक बड़का आजीविका के साधन बनत हे। ग्रामीण महिला मन स्व-सहायता समूह के माध्यम ले गौठान म आजीविका सम्बन्धी काम करके शासन के मंशानुरूप नरवा, गरवा, घुरवा, बाड़ी के संकल्पना ल साकार करे म अपन भागीदारी देवत हें। ग्रामीण अंचल के महिला मन स्व-सहायता समूह ले जुड़के सामाजिक अऊ आर्थिक उत्थान के मिसाल कायम करत हें। कुछ अइसनहे कहानी हे बस्तर जिला के बकावंड विकासखंड के एक दूरस्थ ग्राम मंगनार के पंचवटी स्व-सहायता समूह महिला मन के हे, जऊन विकासखंड मुख्यालय ले 15 कि.मी. के दूरी म हे। ये ग्राम के 10 महिला मन ह साल 2020-21 म संग मिलके पंचवटी स्व-सहायता समूह के गठन करिन। समूह के ज्यादातर महिला मन के परिवार के आर्थिक स्थिति ठीक नइ रहिस। समूह गठन के बाद महिला मन ह कुछ आजीविका गतिविधि चालू करके अपन परिवार के आर्थिक स्थिति ल सुधारे के संकल्प लीन। अब उमन वर्मी कम्पोस्ट बना के सरलग पइसा कमावत हें।
जगदलपुर जिला म गौठान ले स्व-सहायता समूह के महिला मन ह वर्मी कम्पोस्ट खाद ले कमाइन 35 हजार रूपिया
