- मनरेगा के मजदूर मन ह मजदूरी के राशि म ले जरूरतमंद मन के मदद बर दीन 22,100 रूपिया
रायपुर, 04 जून 2020। पीड़ित मन के मदद बर साधन पूरा होना ही जरुरी नइ होवय, एखर बर सुग्घर सोंच के जरूरत होथे। अइसनहे सुग्घर सोंच ल फलित करिन मुख्यमंत्री श्री भूपेश बघेल के विधानसभा क्षेत्र के ग्राम पंचायत सेमरी के मनरेगा मजदूर मन ह।
कोरोना संकट काल म जरूरतमंद मन के मदद बर ये ग्राम पंचायत के मजदूर मन ह अपन-अपन हैसियत के मुताबिक कोरोना पीड़ित मन के मदद बर आपस म चंदा सकेलिन। देखते देखत ये राशि 22100 रूपिया हो गीस। मजदूर मन ह ये राशि ल सरपंच श्रीमती ज्योति वर्मा ल देवत ये बात के आग्रह करिन के ये राशि मुख्यमंत्री सहायता कोष म जमा कराए जाय। मुख्यमंत्री श्री भूपेश बघेल ले मुलाकात करे काली पाटन क्षेत्र ले आये पंचायत प्रतिनिधि मन म सामिल सेमरी के सरपंच श्रीमती ज्योति वर्मा ह ओ राशि के चेक मुख्यमंत्री ल सौंपिस।